Commo seis inoghe: Home Noas
Noas
Novas dae Orune PDF Stampa E-mail
Iscritu dae Màriu Sanna Mandamentu VIII   
Giòvia, su 10 de Trìulas 2014 11:42

 

Prorogados sos cuntratos a sos traballadores ex Rosmary.
Cun sa Delibera de sa Giunta Comunale n.56 de sa die de su 30 de làmpadas 2014,s’Amministratzione Comunale de Orune at detzisu de prorogare pro sos meses de trìulas e de austu 2014, sos cuntratos a sos 15 traballadores ex Rosmary. Sos traballadores ant a fàghere sas atividades prevididas sighinde sos indicos de s’Agenzia de su Traballu desa Regione Autònoma de sa Sardigna de sa die de su 26 de làmpadas 2014.

Costitutzione de unu Ufìtziu Pranu de sos comunes de Lùvula, Onanìe, Orune e Osidda pro s’adecuamentu de su tzentru istòricu de sa bidda sighinde sos indicos pianu paesagìsticu.

Cun sa Delibera de Giunta Comunale n.55 de sa die su 30 de làmpadas 2014,s’Amministratzione Comunale de Orune at detzisu de fàghere in paris a sos Comunes de Lùvula, Onanìe e Osidda, un’Ufìtziu Pranu, pro adecuare e illacanare su tzentru istòricu de sa bidda sighinde sos indicos de su Pianu Paesagìsticu Regionale.

 
Mamujada “Sulla strada del cannonau”. PDF Stampa E-mail
Iscritu dae Gianfranca Selis Mandamentu III   
Lunis, su 07 de Trìulas 2014 00:00

Sos Museos e sas cantinas mamujadinas in su progetu "Sulla strada del cannonau. Appuntamenti di vini e sapori", chi est istadu ammaniadu dae s'Assòtziu omònimu "Sulla strada del cannonau" cun s’agiudu de sa Càmera de Cummèrtziu. Trèighi comunes de Barbàgia, Baronia, Mandrolisai e Ogiastra cun ristorantes, enotecas,museos, casifìtzios, cantinas e gasi sighende, ant aderidu a su progetu cun s'idea de abèrrere a su pùblicu sas aziendas de su territòriu, de pònnere paris cultura e traditzione, de permìtere a amantiosos e a totus sos chi nd’ant piachere de gosare de sos màndigos e de sos binos de prètziu e de bisitare museos famados e noos. Su progetu est incumentzadu su 21 de làmpadas cun sa bìsita a sas cantinas Fradiles e Nuraghe 'e Sole de Atzara e at a agabbare su 12 de santugaine in Nùgoro. Mamujada at aderidu a su progetu cun sos tres Museos (Màscaras Mediterràneas, Museu de sa cultura e de su Traballu, Mater,) chi ponent a disponimentu unu billete ùnicu pro los bisitare totus tres, e cun sas cantinas Sedilesu e Fittiloghe chi ant a abèrrere pro sa bìsita e s'assàgiu su 26 e 27 de trìulas e su 13 e 14 de cabudanni. Su programma intreu de sos addòbios est a disponimentu in situ stradadelvinocannonau.it.

 
Onani: Consìgiu Comunale nou PDF Stampa E-mail
Iscritu dae Màriu Sanna Mandamentu VIII   
Giòvia, su 05 de Làmpadas 2014 11:21

Onanie. sa de una setziada de su Consìgiu Comunale nou: incumentzat su de duos mandados pro Clara Michelangeli.

Su Sìndigu Clara Michelangeli at cunfirmadu Claùdiu Carzedda comente vitzesìndigu e Fàbiu Daga  comente assessore e at dadu sa delega pro sos Servìtzios Sotziales a sa Consigera Noa Pamela Forma;  sos àteros consigeris de su Consìgiu Comunale de Onanìe pro sos chimbe annos imbenientes ant a èssere  Màriu Bundone, Frantzisca Coronas e Ninu Corazza.

Incumentzat duncas cun sa continuidade de guvernu  e cun d’una novidade su mandadu nùmeru duos de su grupu de giòvanos onaniesos chi ant amministrare sa bidda in sos chimbes annos imbenientes.

Leghe totu...
 
Nùgoro: su Museu Man inaugurat una mustra noa PDF Stampa E-mail
Iscritu dae Austinu Sanna Mandamentu I   
Giòvia, su 29 de Maju 2014 09:45

 

Passu a duos

Sas avanguàrdias de su movimentu

Museu MAN, Nùgoro

30/05 – 29/06/2014

 

Dae su 30 de maju a su 29 de làmpadas de su 2014 su museu MAN de Nùgoro presentat sa mustra “Passu a duos. Sas avanguàrdias de su movimentu”. Su progetu est contivigiadu dae Lorenzo Giusti, diretore de su museu MAN, e Elena Volpato, cunservadora de sa GAM de Torino, responsàbile de sa Colletzione de Film e Videos de Artista. Pro mèdiu de una mirada chi movet dae sas orìgines de su tzinema animadu e arribat a sos tempos nostros, custu progetu andat a fundu de unu de sos tratos prus ammajadores de sas òperas de animatzione: sa possibilidade disigiada dae artistas e autores de impreare su movimentu tzinematogràficu comente chi siat unu ritu màgicu chi donat sa vida a una lìnia de disegnu, a una sàgoma, a una marioneta o a una fotografia.

S'immaginatzione creativa, sa chi resesset a dare vida a una realidade, e chi bortas meda est a s'orìgine de su disegnare e de su rapresentare cun figuras, pro mores de su movimentu e de su ritmu musicale, pigat sas aparèntzias de un'afadamentu, de una vida chi est dantza de sa fantasia. No est de badas chi artistas e registas, dae chi s'astringhent a  sas diversas tècnicas de s'animatzione, medas bortas, si impinnant a subra de s'immàgine de su corpus mentovende sa figura de Frankenstein, de su Golem o

Leghe totu...
 
Tàtari: Piero Frau presentat su libru suo PDF Stampa E-mail
Iscritu dae Antonella Licheri Mandamentu VI   
Giòvia, su 15 de Maju 2014 09:57

Oe, 15 de maju a sas chimbe e mesu de sero, in Tàtari, in su Museu Sanna, su de bator addòbios cun sa cultura:presentada de su libru "S'Istrumpa".
Sa presentada faghet parte de sa manifestatzione “Limba e libros in su Museu Sanna” ghiada dae s’Isportellu Linguìsticu de sa Limba  Sarda e Catalana.
Sa punna de su libru est cussa de defensare s’istrumpa, de l'imparare a sos giòvanos, e de dare a sos chi la cherent connòschere e praticare, règulas codificadas pro  ispartzighinare custa dissiplina.
“S’Istrumpa” est una forma antiga de luta sarda, in custu libru bent espressada s'istima manna pro custu isport e pro su valore educativu e formativu chi tenet. Su libru est in duas limbas: in sardu e in italianu. Aberit sa presentada Gabriella Gasperetti, diretora de su Museu, sighit Cristiano Becciu funtzionàriu de su Servìtziu Limba  sarda. Mòderat Giovanna Tuffu, de s’Isportellu regionale de sa limba sarda e catalana.
Ant a intervènnere Tonino Bussu, istudiosu de limba sarda e Micheli Ladu de s’Isportellu linguìsticu regionale de Casteddu, chi at bortadu su libru in sardu.

At a èssere presente s'autore de su libru Piero Frau.

 
<< Inizio < Prec. 1 2 3 4 5 6 7 8 9 10 Succ. > Fine >>

Pagina 1 di 11