Commo seis inoghe: Home
Benebènnidos a su situ de s'Ufìtziu provintziale
Bortigale. Progetu: "In vitro" PDF Stampa E-mail
Iscritu dae Antonella Licheri Mandamentu VI   
Martis, su 11 de Santandria 2014 09:26


In sas biddas de sa Provìntzia de Nùgoro est partidu su progeu "In vitro" unu progetu isperimentale chi tenet comente punna sa de promòvere sa letura.Pro mèdiu de sa Provìntzia sos pitzinnos  nàschidos in custu annu 2014, ant a retzire a in donu unu kit cun unos cantos libros. In cada Comune b'at un'apuntamentu pro sa cunsinna de su Kit,in Bortigale s'atòbiu est fintzas cun sos pitzinnos de s'iscola materna cun L'omino delle storie, su 20 de santandria in sa Biblioteca Comunale a sas 10.00 de mangianu.

 
Silanos: Bandu pùblicu pro dare contributos “de minimis” a impresas noas PDF Stampa E-mail
Iscritu dae Antonella Licheri Mandamentu VI   
Lunis, su 10 de Santandria 2014 09:03

Silanos - Dae su 31 de santuaine a su 24 de santandria si podet presentare in Comune sa dimanda pro sos contributos pro s’agiudu “de minimis”, sa punna est cussa de fàghere nàschere impresas chi òcupent in manera istàbile sos tzitadinos.

Sos setores de interventu sunt:

artesanadu

servìtzios

turismu

cummèrtziu.

Podent leare parte impresas noas  e fintzas cussas chi sunt nàschidas a pustis de su I de maju 2014.

Sunt ammìtidas ispesas pro machinàrios, impiantos e atretzaduras de genias diferentes, software; sas ispeas pro istùdios de fatibilidade, progetatzione, assistèntzia e consulèntzia non nche devent colare sos 500,00 èuros. Totus sas pagamentas, francu cussas chi pertocant sa costitutzione de impresa devent èssere fatas pro mèdiu de bonìficu bancàriu.

Non sunt ammìtidas ispesas chi pertocant su còmporu e s’acontzu de locales, mezos targados francu chi non siant  ligados a unu servìtziu pùblicu non de lìnia. Còmporu de atividades chi giai bi fiant, còmporu de atretzaduras giai impreadas, còmporu de atretzaduras in leasing, faturatziones fatas in antis de su I de maju 2014.

Su contributu est pari a su 75% de s’ispesa ammìtida e non nche colat sos 20.000 euros, sos chi leant parte sunt obligados a finantziare in parte s’ispesa de s’atividade chi no est ammuntada dae su contributu.

Totus sas informatziones in su situ de sa Comuna: www.comune.silanus.nu.it

 
Orane: Sa prenda ismentigada PDF Stampa E-mail
Iscritu dae Gianfranca Selis Mandamentu III   
Giòvia, su 06 de Santandria 2014 08:44

Orane - Addòbiu cun Pepe Camarda, espertu e  amantiosu de Archeologia, chi faghet parte de su Grupu  Archè de Orane e contat comente est resèssidu a  torrare a fàghere “de pabiru!” sa Burra de Santu Jorgi de Orane:

Sa paristòria de sa burra de santu Jorgi

In sas biddas nostras, sos antzianos e sos prus betzos, usaiant a contare paristòrias de s’antigòriu. Sos contos colaiant dae babbu a fìgiu, mancari annanghende cosas imbentadas, o lassende a un’ala particulares chi los podiant cambiare. Ma fiant paristòrias ammajosas chi si contaiant sos seros longos de 
s’ierru in dae in antis de sa ziminera o in sos cuiles.
Si narat chi totu sas paristòrias apant unu fundu de veridade e cussa chi so a puntu de contare est bera, penso deo, a su nessi a su noranta pro chentu, ca sa protagonista de custu contu esistit de a beru.
Dae s’annu milli, comente a totu sas àteras terras chi s’afatzant a su mediterràneu, s’ìsula nostra at patidu pistulèssias medas chi, belle a iscadèntzia nch’isperdiant parte de sa populatzione, mescamente sas zonas malesanas de sas campuras. 
Sas baddes artas e de mesu de su Tirsu, a tempos de tando, fiant prenas de biddas e in calicuna b’istaiant pagas chentinas de ànimas.Orane imbetzes, pagu prus o mancu in su 1650, aiat prus de duamìgia abitantes e pro custu li naraiant “Oranj Manno”.

Ùrtimu agiornamentu Martis, su 11 de Santandria 2014 09:24
Leghe totu...
 
Otzana: cussìgios pro su tempus lìberu PDF Stampa E-mail
Iscritu dae Anghelu Canu Mandamentu X   
Lunis, su 10 de Santandria 2014 08:48

 
La Nuova Sardegna: OTTANA I consigli per leggere racchiusi in un libro per i bambini PDF Stampa E-mail
Iscritu dae Administrator   
Lunis, su 10 de Santandria 2014 08:37

OTTANA. Prosegue l’attività dell’amministrazione comunale di Ottana per diffondere l’educazione guidata alla lettura e la conoscenza dei libri. Stavolta scende in campo la biblioteca in collaborazione con l'ufficio provinciale della lingua sarda. Nelle prossime settimane verrà distribuito un libretto con dei consigli utili per la lettura diretti ai bambini della fascia di età dai 6 ai 10 anni. «Ciascun libro – si legge nella locandina che annuncia l'iniziativa – è come una porta: lo aprite e vi mostra un altro mondo». Il libretto è già disponibile nel sito istituzionale del comune di Ottana. (f.s.)

 
<< Inizio < Prec. 1 2 3 4 5 6 7 8 9 10 Succ. > Fine >>

Pagina 10 di 119