Commo seis inoghe: Home
Benebènnidos a su situ de s'Ufìtziu provintziale
Oroteddi: leghe in sardu PDF Stampa E-mail
Iscritu dae Anghelu Canu Mandamentu X   
Lunis, su 17 de Santandria 2014 10:48

 
Otzana - In biblioteca, pro sos pitzinnos de sas elementares, su contu de Tzitzu su Eritzu e de Tzirillu su Cocodrillu! PDF Stampa E-mail
Iscritu dae Anghelu Canu Mandamentu X   
Lunis, su 17 de Santandria 2014 09:58

Otzana - In biblioteca, pro sos pitzinnos de sas elementares, su contu de Tzitzu su Eritzu e de Tzirillu su Cocodrillu!

 
Bìroro e Golòthene: abbòjos pro su pianu de gestione Zona a Protetzione Ispetziale PDF Stampa E-mail
Iscritu dae Sara Firinu Mandamentu IX   
Giòvia, su 13 de Santandria 2014 08:59

 
Nùgoro, Museu MAN: Àteros laboratòrios temàticos pro sa mustra de Alberto Giacometti PDF Stampa E-mail
Iscritu dae Austinu Sanna Mandamentu I   
Mèrcuris, su 12 de Santandria 2014 10:49

 

Àteros laboratòrios temàticos pro sa mustra de Alberto Giacometti:

“Giacometti in s’ispàtziu”

Sas òperas prus connotas de Giacometti sunt sas isculturas chi li narant “filiaghes”, chi s’artista at comintzadu a fàghere a pustis de sa gherra. Figuras umanas ritzas o caminende chi trasmitint un’energia forte, movende·si in s’ispàtziu e faghende·si  agiumai de pedra in su cùrrere issoro. In su laboratòriu sos piseddos ant a dèvere realizare unu personàgiu filiaghe impreende sos pagos materiales a disponimentu, canniteddas de plàstica e fògios de allumìniu, e l’ant a dèvere sistemare in unu ispàtziu chi at a cambiare a segunda de su chi narat s’operadore. Contivìgiu de Gianluca Mele.

“Lìbera sa forma”

In sa chirca sua de sa realidade, Giacometti finit chi si nch'istèsiat, in carchi manera, dae rapresentare su chi est beru. Iscumbatende sas profundidades de s’esistèntzia umana nch’arribat a nd'iscobèrrere s’essèntzia e sa manera sua pro la fàghere  a bìdere est a nde mudare sa figura. In su laboratòriu sos piseddos ant a èssere postos a istudiare sa figura umana, a interpretare e pintare su corpus segundu sa bisione personale issoro e non a manera naturalìstica. S’impreu lìberu de sas lìnias at a èssere s’aina pro arribare a unu tessìngiu, a una sìntesi intre forma e sustàntzia. Contivìgiu de Gianluca Mele.

“Dirundella de s’assolutu”

Puntu, lìnia e superfìtzie sunt sos elementos fundamentales pro fàghere unu retratu. Ma prus importante est sa capatzidade de bìdere prus a dae in antis de sa forma. Pro Giacometti “Sa conca est su disconnotu, su malu a medire”. Sos piseddos ant a realizare unu disignu subra de su tema de sa cara. Su laboratòriu dat a sos dischentes sa possibilidade de esaminare e interpretare sos limbàgios estèticos de Giacometti pro rafigurare a issos matessi o a sos cumpàngios., meledende subra de s’identidade issoro o de àtere chi siat. A si rapresentare e a rapresentare a àtere impreende trastes simpres  Contivìgiu de Gianluca Mele.

“Cando s’arte est a fitianu”

In antis de su laboratòriu b’at a èssere sa bìsita guidada a sa mustra: unu biàgiu in su tempus passadu pro iscobèrrere comente rafiguraiant sa figura umana in antis e in sas òperas de Giacometti. S’at a dare importàntzia manna a s’identidade de sas persones seberadas dae s’artista pro fàghere de modellos, su mundu de sos afetos ligadu a su percursu artìsticu suo. Durante  su laboratòriu onzi pitzinnu at ammentare una persone cara e at a realizare un’iscultura ispirada a sas òperas de Giacometti. Contivìgiu de Pascalina Schintu

 
Sindia: Sardu curriculare in su Mandamentu VI PDF Stampa E-mail
Iscritu dae Antonella Licheri Mandamentu VI   
Mèrcuris, su 12 de Santandria 2014 10:27

Oe, fintzas in Sindia at comintzadu su laboratòriu in limba sarda pro sos pitzinnos de s'iscola de s'infàntzia.In totus a tres sas comunas de su mandamentu VI (Bortigale, Silanos eSindia) sos pitzinnos sunt comintzende a leare cunfiantza cun su sardu cun giogos, contos e ischedas didàticas, sunt pagos sos pitzinnos chi s'atrivint a chistionare ma a bellu a bellu, dali oe dali cras già nche imparant, sas mastras sunt cuntentas meda e calicuna at pròpiu manifestadu s'esigèntzia de inserire su sardu curriculare dimandende sa collaboratzione de s'ufìtziu de sa limba sarda.Pro sos operadores de sos ufìtzios de limba sarda s'annu est belle che acabadu e sos frutos a bellu a bellu ant maduradu.S'isperu est pro totus: chi su traballu potzat sighire fintzas s'annu chi intrat.

 
<< Inizio < Prec. 1 2 3 4 5 6 7 8 9 10 Succ. > Fine >>

Pagina 8 di 119